Estrada Televisión: "O noso pobo xa se ve"

Aló polo mes de marzo do ano 2004 nace un proxecto atrainte, desafiante, innovador para o concello e área da Estrada: a creación dunha canle de televisión local.

Durante estes anos, o equipo humano de Estrada Televisión traballou moi duro para chegar ós fogares dos nosos veciños, intentando mellorar a programación, tanto nos seus contidos coma na súa calidade.

A finais do ano 2006, Estrada Televisión comeza a proxectar xunto ca empresa local ITnor a idea de emitir por internet a sinal analóxica. Dende o 1 de decembro do 2006 comezamos as nosas emisións online, cuns resultados impresionantes.

Dende este gran mundo que é Internet, queremos agradecer a tódolos televidentes de Estrada Televisión o seu seguimento e esperamos ir mellorando pouco a pouco.